一個又一個滿載糞便和排洩物的動物飛機籠。
工人在忙於清洗，倒出一盤又一盤惡臭刺鼻的污水。尤其這幾年的移民潮，很難想像，那些貓、狗、動物在運送過程之中，到底處於什麼樣的狀況⋯⋯恐懼、焦慮、憤怒、不安、無助、不適？
又如果這是閣下自己養的「寵」物身處其中呢？
我就一定唔會安樂，肉都赤埋，連心都痛埋。見到自己寶貝落機抵達一刻，試問有邊個唔會咁：
「唉吔！擔心死我喇！你搭飛機一定驚到死！你睇你震晒⋯⋯」
「唉吔！成十幾個鐘頭飛機，一定又急屎、又急尿！」
「嘩⋯⋯衰仔，你做乜咬爛個籠？好驚咩？」
然後，摸摸頭、親一親自己嘅寶貝，安慰一番，一家團聚大結局。所以，說到長途跋涉運送動物，事前事後的準備，我敢說，沒有一位主人是瞓得安樂的！其實，我最想講的是，大家口中嘅寶貝、懷裏的寵物，已經很「幸福」了。
事實上，香港每天接近 4,000 隻家豬、超過 10,000 隻雞，還有牛、羊、鴨⋯⋯正正生活在上述的惡劣環境，情況更難堪百倍——牠們長途跋涉來港，長時間擠擁在狹小貨車上或膠箱內；生活在排泄物上、互相踐踏、互相噬咬、禁吃禁喝、暈車浪、夏天中暑、骨折、窒息甚至死亡⋯⋯
我們無感，因為牠們不是我們的寵物，而是食物。
沒有什麼大道理。
就看看你們家中快要／已經移民的「寵物」，不是已經很幸福嗎？
Roni Wong
コメント